مطلوب مخرج او مخرجة

NwF المرأة الجديدة إحنا عايزين مخرج.

أو مخرجة ..عشان هنعمل فيلم بيلخص فكرة كتاب أطلقته المؤسسة عنوانه "بحث عن تقدير قيمة العمل المنزلي غير المدفوع للنساء في مصر"

إحنا عايزين مين؟
1- عايزين متقدم / ة يكونوا خبرة في الإخراج السينمائي أو الأفلام القصيرة.

2 – يكونوا مهتميين ومهتمات بحقوق المرأة و يفضل يكون ليهم أعمال سابقة خاصة بالمجال دا.

طب إية المطلوب ؟
1 – مطلوب تقرأ/ي الكتاب كويس جداً و تعمل/ي تصور للفيلم وتبعتهولنا.

2 – تملي الإستمارة المرفقة في وتبعتهلنا مع السيرة الذاتية على
nwrc@nwrcegypt.org

كل التفاصيل هنا http://bit.ly/1N4sJNl

مجموعه من المونولجات المسرحيه لاختبارات التمثيل عشرين منولوج

كتير مننا بيقابلنا مشكلة لما يكون عندك كاستينج او مقابلة بتسال نفسك لو اتطلب مني مشهد اقول ايه علشان كده دى مجموعه من المونولجات المسرحيه لاختبارات التمثيل رجالي وحريمي ... نفسي وكوميدي وحزين ... مجموعة متنوعة تقدر تبرز بيها موهبتك .. احفظ المنولوج وقوله بأدائك وبالتوفيق للجميع 

(1)
بحبها
انا بحبها .. صدقنى .. والله بحبها .. وعمرى ما حبيت ولا هاحب غيرها .. وعشان بحبها سبتها .. سبتها تشوف نصيبها مع حد غيرى ..مانا شايفها اجمل شىء فى الوجود .. ارق مخلوقه ع وجه الارض ..
انا بعشقها .. لكن ظروفى اصعب مليون مرة من عشقي ليها .. وحظى نحس نحس .. يبقى ليه اظلمها معايا .. ليه اخلى سنيننها عذاب فى عذاب .. ليه اخليها تلعن حبي ليها .. واليوم اللى قابلتنى فيه .. وتلعن الحب ذاته .. عشان كده هضحى بحبى ليها وابعد عن طريقها .. وهاحاول .. يمكن انساها ..بس .. بس انا بحبها ومقدرش اعيش من غيرها .. والله بحبها وعمرى ما هاحب غيرها ..
................................
(2)
انى مانيش عارف أبوها ده ماله .. ايه اللى جراله .. كل ما يشوفنى يلوى وشـه .. و يمشى بالعجل .. و كل ما اقوله ... سـلاموا عليكوا .... مايردش
(يزعق مشيرا بيده محييا ) سـلاموا عليكوا يا ابه عبد الله
( بصوت خافت ) : مايردش
... من يوم ما قلتله انى عاوز اتجوز صابحة ... و هو اتغير ... اتغير خالص .....
دنى كنت بشتغل فى ارضه زى ما تكون ارضى .. احرت له الأرض .. و اسوق له الساقية .. و اجمع له الطماطم .. و انقى له الدودة

و كان بيقولى " يقلد صوته " : " انى ماخلفتش رجاله يا رضا ... قام ربنا عوضنى بيك .. ده انت ابنى يا رضا " .

" يعود لصوته العادى " من يوم ما رحتله عشان اخطب صابحه و هو اتغير .. اتغير خالص ... مين كان يصدق ان ابويا عبد الله يقولى الكلام ده .
انى يقولى ... جواز ايه يا وله .. جاك نيلة تاخدك ... انى ... انى يا ابه عبد الله
انى يقولى ... روح هاتلك جلابية الأول .. و لا البسلك برطوشة ....
مالها الجلابية دى ... و ايه اللى دخل البرطوشة فى الجواز .. ليه كده يا ابه عبد الله .. ليه تحرمنى من صابحة ... ده انى حتى بحب الكلب الأزعر اللى عندكوا ... ليه كده .. ليه تحرمنى منها يا ابه عبد الله ليه ....

ده احنا حتى متربيين سوا ... الدار جنب الدار ... و الغيط جنب الغيط ..

( يتغير صوته ليصبح حالما ) " هاتلى جميز يا رضا ... انط على الجميزة و اجيبلها "
" هاتلى توت يا رضا ... اتشعلق على التوتة و اجيبلها "
" هاتلى سمك يا رضا ... اصطادلها سمك المصرف كلاته "
" مرجحنى يا رضا ... اربطلها حبل فى الجميزة و امرجحها " هيلا هوب هيلا هوب .................
ليه كده يا ابه عبد الله ؟ ليه تحبسها فى الدار و تحرج عليها تخرج منه .. دنى .. دنى اتعوت اشوف وشها الصبحية قبل ما اشوف السمس .. يا ابه عبد الله ليه ... ليه كده ... ليه كده يا ابه عبد الله .. ليه .. ليه .. ليه .. ليه
.................
(3)نهاية تفكير.....:
انا حاسس اني من ساعة ما وعية علي الدنيا والدنيا جيا عليا....؛
وكل ماعد افكر معا نفسي شويه في الي حواليا احس اني ليا حق ومخاتهوش بس نفسي اعرف هو ا يه....؛
لأوفكر شويا كمان احس اني انا الي فاشل وأول دنا لفي دراسه نافع ولا في شغل نافع ولافي جواز نافع ولأ حتي في المعملي مع اقرب ناس ليا...............؛
انا تعبت .......والله تعبت............"
لألألأ واعد افكر شويه كمان احس اني الدنيا اسودة حواليه واحس انى الناس والدنيا جيا عليا...
مبأتش عارف اعمل ايه ملأتش غير حل واحد................؟؟؟؟؟؟؟
هوا انى اهرب لدنيا تنيه هيا أه أه اخرته دمار بس.....................بس؟
كان لازم عشان انا كنت هموت ............؟
من كتر التفكير كنت ها موت ناقص عمر هو اه كداكدا هموت بس ............بس ؟؟؟؟
خلالألألألألألألألألأص
...................
(4)
اخرسى خالص ...متدافعيش عن نفسك ...الناس كلها كانت بتحكيلى و انا مكنتش باصدق كنت باكدب نفسى ..ليه..ليه تعملى كده ...دانا حبيتك اكتر من نفسى ... مبخلتش عليكى باى حاجه فلوس و وضع اجتماعى ...انتى نسيتى انتى كنتى ايه...انتى كنتى و لا حاجه اوعى تكونى صدقتى نفسك انك هانم بجد..كل البهرجه و اللبس و عيشه السرايات اللى انتى عايشاها دى من فلوسى انا اللى نضفتك و خليتك بنى ادمه ...و فى الاخر تخونينى ..تخونينى ،انتى كنتى اغلى حاجه عندى ،كل حاجه فى حياتى لكن دلوقتى خلاص .. خلاص ،اطلعى بره ..بره
...........................
(5)
ست البيت
يا اخى حس بيا بقى .. حس بيا .. انا برده بنى ادمه من لحم ودم .. عمرى ما قصرت معاك فى اى حاجة .. وطول عمرى بتمنى رضاك .. لكن انت حجر صخر .. بتدوس كل يوم على كرمتى لحد ما خلتنى كلبة تجرها وراك وهى ساكته بدون ما تعترض على اى حاجة
.. لإن ده مش من حقها .. طبعاً ليك حق تعمل فيا اكتر من كده .. منا الجاريه اللى المفروض
تطبخ و تغسل وتكنس وتمسح .. بدون ماتقول تلت التلاته كام .. انا اتحكم عليا بالذل
عشان بنت مكسورة الجناح .. وانت طبعا سى سيد تشخت وتنتنور ..تأمر وتنهى .. وانا اقول حاضر .. حاضر ..حاضر .. مش مهم كرامتى ولا مشاعرى المهم انك راجل البيت ..
يبقى يولع كل اللى فى البيت .. واولها انا .. انا .. ست البيت ..
...............
(6)
نقره و نقره
والله دانا زى القمر .... اى نعم انا شعنونه حبتين .. وساعات نكديه .. وبقفل بسرعة
.. لكن اللى هيتجوزنى بقه .. امه دعياله .. دانا هاهننه واسعده واخليه ينسى الدنيا وما فيها .. بس .. والله العظيم والله العظيم لو طلع اولعبان ومبصبصاتى ..
يعنى عنيه زايغه .. والله لفقعهملو و طلع عليه عفاريتى .. وخلى عشته هباب
فى هباب .. و لاخليه يعرف ينام ولا ياكل ولا يشرب .. واخليه يمشى مخيول يبص
وراه وقدامه .. لكن ده طبعاً .. ميمنعش انى رومانسيه وهاديااااا ووديعه خالص مالص
.. حكم إن ديه نقره وديه نقره .. و اياكم اياكم تنسو انى زى القمر .. وحبوبه خالص ..
مفيش حد ناوى يخطبنى بقى ..
............
(7)
سينا و اللئيمه
حبيبى اديه انت نسيت .. اه طالما ساكت كده يبقى شكلك نسيت انى النهارده عيد
تحرير سينا .. وطبعاً كالعادة هتسئلنى وتقولى طب أعمل ايه يعنى ما سينا اتحررت خلاص.. لالا يا حبيبى الكلام ده مينفعش .. يعنى بالبلدى مياكلش عيش .. المفرض تجبلى هدية حلوة محندقة و تقولى كل سينا و انتى طيبه .. طبعاً هتقولى اشمعنه .. هقولك ببساطه مش سينا حررها الابطال و الابطال هما الرجالة و الرجالة روحهم المعنويه فى السما النهارده يعنى المفروض تعمل واجب معايا فى اليوم ده .. وبما انى عرفاك كويس طول عمرك صاحب واااااجب !! .. يبقى اقلها تعالج موقفك وتجبلى حتت اسوره البسها فى رقبتى الفضيه ديه.. وكل سينا وانت طيب يااااااحبيبى وربنا لا يقطعلك عادة .. و يكتر حججى كالعادة .
.................
(8)
عمران
خت ايه ياعمران من وابور الطحين مفيش غير الفقر ودجع الدماغ كل يوم من صبحية ربنا غطسان فى الزيت والقرف وكل يوم على الحال ده والوابور كل يوم بيكبر وبيتاخر وقرب يموت والعمدة مش همه غير الفلوس الفلوس وخلاص والمهيه اللى بيدهالى متكفيش حمار حمار صغير والوليه كل يوم طلباتها بتكتر عايزه فستان ياعمران عايزه احمر خدود ياعمران عايزه حتة صيغة ياعمران وعمران مدمواش غير تمام وتمام ممكن يبعنى انا نفسى فى السوق فيها ايه يعنى لو سرقت اه اسرق 10الف جنيه دانا اشترى الوابور من العمده وابقى انا صاحب الوابور مع تحياتى عمران
.....................
(9)
انت جاى بتكلمنى فى ايه ، اللى فات ده مش أنت اللى حسيت بيه ، مش أنت اللى انجرحت ولا قسيت ولا بكيت ، يابنى اللى فات ده مش أبام و عدت ده عمر ضاع ، كنت فين أنت و أنا طفل سنه 5 سنين شايف أبويا بيتقتل قدامى و أنا مش قادر أعمل حاجه ، 20 سنه و أنا شايف دموع امى بتنزل قدامى و برضو مش قادر أعملها حاجه ، و منظر موت أبويا بيتعرض قدامى 24 ساعة و بشوفه زى ما أنا شايفك دلوقتى بظبط ، لحد ما جت اللحظة اللى مستنيها من 20 سنه و اليوم اللى هرجع فيه و أخذ حق أبويا ب ايدي و حق امى اللى ماتت عشان معرفتش إجبلها الدواء ، 20 سنه شايف العذاب و النوم على التراب مشوفتش طعم الراحه ياه بتنقل من شغله ل شغله و من محل ل محل ، صاحب المحل ده كويس بس ده ابن كلب ، ماجربتس تمسح سلالم و هدومك كلها مبلوله و عندك برد طول الوقت ، ماجربتس تشتغل مكانيكى و يضربك و يشتمك كل يوم طبعا ماجربتس ، ماجربتش تبيع مناديل مناديل يا بيه ب نص جنيه يا بيه ، ماجربتش ،، و دلوقتى لما الدنيا أدتنى وشها و جه الوقت اللى مستنيه جاى تقولى سامح السماح دى كلمه معرفهاش ، مدرستهاش فى الشارع ، الدرس الوحيد اللى درسته هو أنى ازاى انتقم و أخذ حق أبويا ، هو ده اللى درسته و حفظته و هنفذه فاهم هنفذه !
..................
(10)

ليه.........؟؟؟

كل متأدم لبنت اهلها يرفضوني ليه.......؟

عشان اهلي ناس غلابه والفقر عايش معانا ؟؟؟
ولا عشان شغال في بنزينه وملأتش نصيبي في التعليم منا ابويا راجل غلبان ومعهوش
يصرف عليا...؟
ولا عشان الفقر قدري والهم نصيبي..؟
ليه..؟
بس انا مخترتش اني يكون الفقر قدري ومحدش يقدر يغير قدره....
منا جوعي كان كفران...؛:
مأدرتش اسرق كمان لأ وطلع الي ميسرقش ممكن ينكتب عليه الموت....؟؟ليه......ليههههههه.....؟
سؤال جوبني عليه..؟؟
هو لأزم يكون ابويا بيه وأمي حاجا ايييه عشان افتخر بيهم ...؟
لألألألأ ...؛؛
.......................
(11)
اخرسى خالص ...متدافعيش عن نفسك ...الناس كلها كانت بتحكيلى و انا مكنتش باصدق كنت باكدب نفسى ..ليه..ليه تعملى كده ...دانا حبيتك اكتر من نفسى ... مبخلتش عليكى باى حاجه فلوس و وضع اجتماعى ...انتى نسيتى انتى كنتى ايه...انتى كنتى و لا حاجه اوعى تكونى صدقتى نفسك انك هانم بجد..كل البهرجه و اللبس و عيشه السرايات اللى انتى عايشاها دى من فلوسى انا اللى نضفتك و خليتك بنى ادمه ...و فى الاخر تخونينى ..تخونينى ،انتى كنتى اغلى حاجه عندى ،كل حاجه فى حياتى لكن دلوقتى خلاص .. خلاص ،اطلعى بره ..بره
....................
(12)

انا عارف هما رفدوني من الجرنال ليه..علشان يذلوني...عايزيني اركع علي ركبي...بس مش هيقدرو.مش هيقدرو يكسروا القلم اللي فضل طول عمره يدافع عن الناس.القلم اللىعمره مازاود ولاهلل ولاطبل...القلم اللي خايف علي وطنه وحطه في حباب عنيه...واللي خايف علي ناسه لانهم اهله.واللي خايف علي بكره لانه ملكه....حلمه...حلمه اللىعايش علشانه...صحيح هما قطعوا عن المرتب علشان يذلونى...ووقفوا فىوشىوفكل حته اروحها..لدرجه ان كل الناس رفضوا يشغلوني..لغايه مااضطروني ان اجي هنا انا بقالي يومين مكلتش .بس مشهشتغل غير بشروطي.ومش بس كده.الشغل اللي هيناسبنى كمان..انا لايمكن هخضع واستسلم...انا عارف ان الدايره بتضيق.بس انا لسه واقف علي رجلي.وماسك اردتي بأيدي.ايوه.وهو ده الفرق بين الانسان والحيوان...انا لايمكن هستسلم..لايمكن..وعمري ماهسرق...لايمكن...لايمكن
....................
(13)
انا هند
من اسره بسيطه لي 3 اخوات اتعلمت لحد مااخدت ثانويه عامه وماكملتش علشان الظروف يعني علي قد الحال.. قلت اعمل حاجه.. اتعلمت ادي حقن للجيران بدل مايروحوا الصيدليه وأهو اللي بيطلع يعني يساعد ... بعدين فكرت في حاجه تانيه قلت دي مش جايبه همها .. اوقات كنت بشوف ابويا بيصلح الكهرباء او السباكه اتعلمت منه وبقيت اي حد من الجيران او الحته عنده حنفيه مكسوره او فيشه عايزه تتصلح اروح اصلحها ولقيت الموضوع كويس قصدي فلوسه كويسه والحال بدأ يتحسن ... بس المشكله ان جالي عرسان كتير وكل مايجي واحد يقول هو انا هاتجوز سباك او كهربائي يمشي ومايرجعش .. لحد ماجتلي عقده من الشغل ده بس اعمل ايه انا بساعد عيلتي ولازم اتحمل المسؤليه
..............
(14)
كفاية كفاية ....انتو انتو الي اتطرتوني الج للعنف
ايوه .....عشان كنتو فاكرين اني انا جبان .......لكن انا مش جبان علي فكرة
انتو لو مكنتوش خدعتوني ن الاول ...... كان زماني دلوقتي بتعامل
معاكو بالحسني ......... لكن انتو .....انتو الي خلتوني ألج للعنف
وازعئلكو ...... انتو عيال مش متربية .. وانا الي هربيكو من هنا ورايح
وعلي فكرة بقي ...... بس اسكت اسكت خالص ....انا فيا مرار من جوة
ايوه.... انا الي هتكلم من هنا ورايح وانتو تقعدو تسمعوني .... وعلي فكرة بقي
انا رايح اقابل ندي ......... يا جزمة انتا وهو .
.................
(15)
صلاح:
. . . . . . انا مريض ... وجاي . . . لا .. لا لا لا انا مش مريض انا زي الفل مين قال ان انا مريض . . . . . . . صلاح . . اسمي صلاح . . مش مريض ها انا مش مريض . . . انا بس عندي مشكله . . . انا ... انا محدش بيحبني خالص . . كلهم بيكرهوني في الشارع في البيت في المدرسه . . حتى اما دخلت الجامعه كل زمايلي بيعاملوني وحش كأني اقل منهم . . انا فيا مشكله عشان يعاملوني كدا . . . تخيل يا دكتور لما بينادولي .. بيقولولي العبيييط . . . . . . . . . . .

انا انسان كويس في حياتي ومحترم . . حتى شوف هدومي نظيفه ومترتبه ازاي .. وكمان ومجتهد في دراست . . ي . . . ايييييوه .. ايوه اكييد هم بيكرهوني عشان كدا . . . دول مش بيكرهوني وبس دول بيحقدوا عليا كمان . . . . . . . . . .

بس انت عارف في كمان ناس غريبه بيبصولي كدا وبيعاملوني بطريقه بيخلوني احس اني بصعب عليهم . . . وان انا . . . . . مريض

ايه دا! .. انت بتبصلي كدا ليه . . بتبصلي كدا ليه . . . متبصليش كدا انا مش مريض . . انا كويس مش مريض . . مش مريض!!
.................
(16)مونولوج  التسويق (الحرامي)
عارف يا أستاذ إبراهيم أنا طول عمري حرامي
إية إنت مش مصدق ولا إيه؟؟؟!! طب إستنى إستنى..... إستنى يا عم صبرك بالله... شوف البطاقة كدة.
لاااااااااااا مش مكتوب فيها حرامي بس هما بيعرفوني من خلقتي كدة على طول..
أصل أنا شغال تباع على عربية نقل مع سواق بعيد عنك ررخم و إتم و الدنيا
طول النهار يناكف فيا,, يفضل يقولي ولا نزل الأقفاص يالا حمل الأقفاص دي يالا.
وأنا طول النهار والليل أحمل في أقفاص فاكهة إشي تفاح علي الكمترى على رومان على برتقان,,,, لا عندك عندك ليكون إن أنا متنغنغ في الفاكهة و لا حاجة دانا بحملها بس....
أنت عارف؟؟ أنا عندي أربع عيال صغيرين و الأربعة بيشتغلو.. لا والأنأح من كده باخد منهم الفلوس اللي بيشتغلو بيها ..... يعني بدل ما أمد إيدي في جيبي و أديهم أنا اللي باخد منهم كان نفسي أدخلهم مدارس و أخليهم زي البني أدمين ... ولاد الناس المحترمين .... عشان كدة أنا عمري ماكنت بالقط إلا اللي يكفيني أنا و عيالي أبقى حرامي بردو يا أستاذ؟؟؟؟؟؟؟
أبقى حرامي و ربنا حايحسبني؟؟؟؟؟؟؟!!!!!!!!!!
لا يا أستاذ إبراهيم ,, ربنا عادل أوي و ما يرداش بالظلم, ومايردوش أنا أبات يوم جعان أنا و عيالي
ربنا عارف أنا مش باخد طمع, ربنا عارف إني باخد عشان أنيم العيال شبعانة.. العيال كل يوم بتنام بتطقطع من كل الجوع,,,, أكيد ربنا حيسامحني مش كدة يا أستاذ؟؟؟؟؟؟؟؟؟؟؟؟؟؟؟
.................
(17)

ما يهمنيش..

كفاية تكوني كدة في نظري ......الصورة المرسومة ليكي فخيالي والانطباع اللي اخدتة عنك ..ومن اول مرة شوفتك فيها حالي اتقلب .. مابقيتش عارف انا عايز اية ..فجاءة لقيت الدنيا كلها حلوة والمشاكل بقت سهلة وهينة وممكن تتحل ببساطة وفي غمضت عين.انتي اصلك مش عارفة انتي عملتي فيا اية.خليتيني احس ان ليا قيمة . ان انا موجود ..انتي عارفة يعني اية الانسان يبقي حاسس ان هو ولا حاجة..وان كل اللي حوالية برضوا ولاحاجة. وفجاءة يلاقي لنفسة هدف. معني .فايدة. موقع من الاعراب. يبقي لة لازمة.وجاية تقولي الناس.انا ما يهمنيش راي الناس. ولو حتي انتي اية.
.....................
(18)
انا سلبية .. انا ..دة انا اكتر واحدة ايجابية فيكم انا الوحيدة اللى عندى حلم وبحاول احققة .. بمهد للحلم دة من سبع سنين من ساعة ما اشتغلت فى الحضانة .. كل حاجة بعملها للاولاد بعمل زيها اتنبن عشان ولادى .. انتو عارفين الاوضة مليانة رسومات وكتب اطفال عشان ابقى ام كويسة فى المستقبل .. بس .. بس فى حاجة .. الحاجات اللى بعملها ابتدت تبوظ ؟ الورق اصفر .. انتو عارفين ما افتكرتش الحاجات دة حاتعيش لحد ما ابقى ام ...... ما افتكرش انا نفسى حعيش لحد ما ابقى ام وحتى لو حققت الحلم و حا اتجوز حلحق اخلف ولو خلفت حالحق اربى العيال ولو كبرو حافرح بيهم ولا هيبقو نسخة مننا .. ما هو لو كدة وفى الغالب حيكون كدة ... واكتر من كدة ... يبقى انا لية بعمل كدة ..... الحجات دة ملهاش لزمة زى ما انا نفسى ما ليش لزمة .

(تأليف نسرين نور مسرحية - طرطشة شمس)..
(19)
(: زمــان قبل العنكبوت ما ينسج خيوطه على باب الغار . وقبل الصليب ما يندق . قبل البحر ما ينشق والعصايا تبقى افعى .. قبل الحوت وبيع الضفاير واختراع الصبر .. قبل الخاتم المسحور ونبأ الهدهد وحتى قبل الطوفان .. كان فى غرابين سود , واحد قتل التانى ونبش فى التراب .. عشان يحـفر اول حـفـرة عرفتها الأرض.. مش عشان يزرع بذرة ولا يجيب ميه لا .. اول حفرة عشان تتروى بالدم . ومن وقتها والنبش شغاال على ودنه .. والحفرة عمالة توسع . والغراب واقف جنبها بينعق بصوت عالى , متعرفش اذا كان فرحان باللى عمله ولا بيعيط على اخوه .. على كل حال الحفرة اللى اتحفرت مانسدتش تانى ابدا . وكل يوم بيفوت بتوسع الدايرة زيادة .. وانا ... انا بشرب ،، تشرب !! فى صحتك .)........................
البارمان - تأليف سامح عثمان مسرحية - موسم الدم - 2008

(20)
انا هند
من اسره بسيطه لي 3 اخوات اتعلمت لحد مااخدت ثانويه عامه وماكملتش علشان الظروف يعني علي قد الحال.. قلت اعمل حاجه.. اتعلمت ادي حقن للجيران بدل مايروحوا الصيدليه وأهو اللي بيطلع يعني يساعد ... بعدين فكرت في حاجه تانيه قلت دي مش جايبه همها .. اوقات كنت بشوف ابويا بيصلح الكهرباء او السباكه اتعلمت منه وبقيت اي حد من الجيران او الحته عنده حنفيه مكسوره او فيشه عايزه تتصلح اروح اصلحها ولقيت الموضوع كويس قصدي فلوسه كويسه والحال بدأ يتحسن ... بس المشكله ان جالي عرسان كتير وكل مايجي واحد يقول هو انا هاتجوز سباك او كهربائي يمشي ومايرجعش .. لحد ماجتلي عقده من الشغل ده بس اعمل ايه انا بساعد عيلتي ولازم اتحمل المسؤليه ----

المونولوجات مقدمة من جروب استودية الورشة 

اربح خمسون الف دولار و رحلات مدفوعة بالكامل بالاشتراك في مهرجان موسيكبد

موقع المهرجان
https://www.musicbed.com/  

التقديم : اضغط هنا

نماذج من الافلام المقدمة : من هنا

في ساعة الا ربع تعلم تصحيح الالوان علي البريمير

في 45 دقيقة فقط لا غير تعلم تصحيح الالوان علي نافذة اللومتري